У Японіі стварылі прэпарат для росту зубоў

Японскія навукоўцы дабіліся прагрэсу ў распрацоўцы новых лекаў, якія дазволяць людзям вырошчваць новыя зубы. Гэтае дасягненне можа стаць рэвалюцыйным у вобласці стаматалогіі і вырашыць праблему страты зубоў у шматлікіх людзей.

Так, даследнікі выявілі пэўны ген, адсутнасць якога ў мышэй уплывала на колькасць зубоў. Высветлілася, што бялок пад назвай USAG-1, сінтэзаваны гэтым генам, абмяжоўвае рост зубоў. А блакіраванне дзеяння гэтага бялку можа прывесці да росту новых зубоў.

У 2018 годзе навукоўцамі пад кіраўніцтвам вядучага даследчыка Катсу Такахашы быў праведзены эксперымент, падчас якога мышам з прыроджанай малой колькасцю зубоў давалі лекі, у выніку чаго ў іх прарэзваліся новыя зубы.

Вядома, што на людзях прэпарат плануюць пратэставаць у 2024 годзе пасля пацверджання, што ён не аказвае шкоднага ўздзеяння на арганізм чалавека.